ភ្នំពេញ: ព្រះសង្ឃ និងប្រជាពលរដ្ឋ ចូលរួមការពារគាំទ្រយុត្តិធម៌ លោក គុជ វេង នៅមុខតុលាការ ខេត្តពោធិ៍សាត់ ខណៈនេះថ្ងៃ៥ មករា ២០១៧ ម៉ោងជាង៨ព្រឹក លោក គុជ វេង សកម្មជនអ្នកការពារសិទ្ធិមនុស្ស សិទ្ធិលំនៅដ្ឋានដីធ្លីព្រៃឈើ និងយុត្តិធម៌សង្គម ខេត្តពោធិសាត់ ឡើងតុលាការសាលាដំបូង និងអយ្យការអមសាលាដំបូង ខេត្តពោធិ៍សាត់ ដើម្បីឆ្លើយបំភ្លឺលើ ការចោទប្រកាន់ពីបទ បរិហារកេរ្តិ៍ជាសាធារណៈ ញុះញង់ឲ្យប្រព្រឹត្តិ បទឧក្រិដ្ឋ ជាអាទិ ប្រព្រឹត្តិទាំងនៅខេត្តពោធិសាត់ និងក្រុងភ្នំពេញ ក្នុងឆ្នាំ២០១៦ និងធ្វើឲ្យបាត់បង់ជំនឿ លើសេចក្តីសម្រេច របស់តុលាការ ជាដើម ។
បើតាមផេកហ្វេសប៊ុក ព្រះតេជគណ លូន សាវ៉ាត បានឱ្យដឹងថា ព្រះសង្ឃអង្គការសហគមន៍ ប្រជាពលរដ្ឋ ដែលមកឃ្លាំមើល និងគាំទ្រយុត្តិធម៌លោក គុជ វេង នៅមុខតុលាការ បានសំណូមពរឲ្យតុលាការ ទម្លាក់បទចោទប្រកាន់លើ លោក គុជ វេង ព្រោះគាត់មិនបានប្រព្រឹត្តិ ទោសកំហុស និងល្មើសច្បាប់ផ្សេងៗ ដូចការចោទប្រកាន់ ខាងលើនោះឡើយ។ ម្យ៉ាងទៀត គឺគាត់កំពុងតែក្រីក្រ បូកនិងរងគ្រោះ ហើយថែមទាំងកំពុងមានជំងឺ ប្រចាំកាយជាទម្ងន់ទៀតផង ដូច្នេះសូមតុលាការ អាជ្ញាធររដ្ឋាភិបាលកម្ពុជា អាណិតមេត្តាអនុគ្រោះ ផ្តល់សិទ្ធិសេរីភាព និងយុត្តិធម៌ ដល់ប្រជាពលរដ្ឋផង ។
សូមបញ្ជាក់ថា កាលពីថ្ងៃទី៤ ខែមករា ឆ្នាំ២០១៧ លោក គុជ វេង និងក្រុមគ្រួសារញាតិមិត្ត រស់នៅភូមិក្រឡាញ់ ឃុំក្បាលត្រាច ស្រុកក្រគរ ខេត្តពោធិ៍សាត់ ធ្វើពិធីសូត្រមន្តបួងសួង សុំឲ្យគុណព្រះពុទ្ធ ព្រះធម៌ ព្រះសង្ឃ ជួយឲ្យមានសេចក្តីសុខចំរើន មានយុត្តិធម៌ សូមឲ្យតុលាការទំលាក់ចោលបទចោទប្រកាន់ មុនពេលឡើងតុលាការ ។
លោក គុជ វេង និងត្រូវឡើងឆ្លើយបំភ្លឺតុលាការ ខេត្តពោធិសាត់ នៅថ្ងៃទី៥ ខែមករា ឆ្នាំ២០១៧ វេលាម៉ោង៨និង៣០នាទីព្រឹក ដើម្បីឆ្លើយបំភ្លឺពីបទចោទ បរិហារកេរ្តិ៍ ជាសាធារណៈ ញុះញង់ឲ្យប្រព្រឹត្តិ បទឧកក្រិដ្ឋជាអាទិ៍ និងធ្វើឲ្យបាត់បង់ជំនឿលើ សេចក្តីសម្រេចរបស់តុលាការ ប្រព្រឹត្តិទាំងនៅខេត្តពោធិសាត់ និងក្រុងភ្នំពេញ ក្នុងឆ្នាំ២០១៦ ។
លោក គុជ វេង ជាពលរដ្ឋសកម្ម ក្នុងការចូលរួមកសាង ការពារសិទ្ធិមនុស្ស យុត្តិធម៌សង្គម នៅកម្ពុជា កន្លងមក ហើយគាត់ក៏ធ្លាប់ត្រូវបាន សមត្ថកិច្ចចាប់ខ្លួន តុលាការចោទប្រកាន់ យកទៅដាក់ពន្ធនាគារម្តងរួចមកហើយ ក្នុងឆ្នាំ២០១៣ អស់រយៈកាល៣ខែ១៦ថ្ងៃ ដោយសារតែសកម្មភាព ចូលរួមប្រើសិទ្ធិជាពលរដ្ឋ សកម្មក្នុងកិច្ចការសង្គមជាតិនេះ ៕
CEN
ដោយ: ដាវុធ
No comments:
Post a Comment