 |
| លោក កែវ សឿន មេបញ្ជាការវរៈការពារព្រំដែន ៦០៣ |
តាកែវ: លោក កែវ សឿន មេបញ្ជាការវរៈការពារព្រំដែន ៦០៣ បានព្រមានដល់អ្នកសារព័ត៌មាន ក្នុងខេត្តតាកែវថា បើសិនជានៅបន្តចុះផ្សាយរឿង លោក សៅ សម្បត្តិ មេប៉ុស្តិ៍ស្រែខ្មួញ ដែលបានកៀបសង្កត់ យកលុយពីឡានដឹកស្រូវ របស់ប្រជាពលរដ្ឋ នៅតាមច្រករបៀង ដើមត្នោតទៀត គាត់នឹងរាយការណ៍ ទៅថ្នាក់លើផ្នែកសារព័ត៌មាន ព្រោះថា គេតែងតែផឹកស៊ី ជាមួយគ្នាជាញឹកញាប់។
អ្នកសារព័ត៌មាន រងការព្រមាននេះ បន្ទាប់ពីលោក កែវ សឿន បានទៅចូលរួម ក្នុងសន្និបាតបូកសរុប លទ្ធផលការងារ រដ្ឋបាលខេត្តតាកែវ ប្រចាំឆ្នាំ ២0១៦ និងលើកទិសដៅភារកិច្ច សម្រាប់ឆ្នាំ ២0១៧ កាលពីព្រឹកថ្ងៃទី ១៨ ខែមករា ឆ្នាំ២0១៧ ។
តែបើសិនជាមន្ត្រីប៉ូលិសណា មានការណែនាំពីអង្គភាពហើយ នៅតែបន្តប្រព្រឹត្ត កៀបយកលុយពីប្រជាពលរដ្ឋ ដែលដឹកស្រូវយកទៅលក់ នៅប្រទេសវៀតណាមទៀត បុគ្គលនោះ នឹងត្រូវទទួលទោស ទៅតាមច្បាប់ នេះបើតាមប្រសាសន៍របស់ លោកឧត្តមសេនីយ៍ទោ អ៊ុក សំណាង ស្នងការនគរបាលខេត្តតាកែវ បានអោយដឹងកាលពីព្រលប់ ថ្ងៃទី១៨ ខែមករា ឆ្នាំ២០១៧ តាមរយៈទូរស័ព្ទ ។
លោកស្នងការ បានបញ្ជាក់ទៀតថា ចំពោះមន្ត្រីនគរបាលណា ដែលមិនស្តាប់តាម ការណែនាំរបស់អង្គភាព ហើយធ្វើការព្រមានដល់ អ្នកសារព័ត៌មាន ទាំងខ្លួនធ្វើខុសនោះ លោកមិនអាចជួយបានទៀតទេ សក់អ្នកណា ក្បាលអ្នកនឹងចុះ ។
លោក រដ្ឋា ដែលជាប្រជាពលរដ្ឋ ដឹកស្រូវចុះទៅលក់ នៅតាមផ្លូវច្រករបៀង ដើមត្នោតនោះ បានិយាយប្រាប់តាមទូរស័ព្ទថា សព្វថ្ងៃ គាត់មានការលំបាក យ៉ាងខ្លាំង ព្រោះថា ក្រុមឡានរបស់ពួកគាត់ បានបើកបរតាមផ្លូវ ក្នុងភូមិប្រជាពលរដ្ឋ បានដាក់កំណាត់ឈើ កំណាត់ដើមត្នោត បាំងមិនអោយបើកបរឆ្លងកាត់ ដូច្នេះក្រុមរបស់ពួកគាត់ ក៍បង្ខំចិតបើកបរ តាមតំបន់សេដ្ឋកិច្ចពិសេស ប្រវែងប្រហែល មួយគីឡូម៉ែត្រ ដោយបង់ប្រាក់អោយគេ ក្នុងរថយន្តមួយ តំលៃមួយម៉ឺនរៀល បន្ទាប់មក ឆ្លងកាត់ដីឯកជនមួយកន្លែង ប្រវែង៥០០ម៉ែត្រ ដោយបង់ក្នុងមួយឡាន ៥.០០០ រៀល ហើយក៍បន្តឆ្លងកាត់ផ្លូវ ប្រវែងជាងមួយគីឡូម៉ែត ឆ្លងកាត់ព្រំដែន ពួកគេត្រូវបង់ប្រាក់ ថ្លៃហូបបាយចំនួន មួយម៉ឺនរៀល ថ្លៃឆ្លងកាត់ផ្លូវ តាមស្ថានភាពរថយន្ត ភ្លៅ២ ភ្លៅ៣ ភ្លៅ៤ ដោយបង់ប្រាក់ ចាប់ពី ៣ម៉ឺន ៤ម៉ឺន ៥ម៉ឺន ៦ម៉ឺន រហូត៧ម៉ឺនរៀល។
លោកតំណាងក្រុមរថយន្ត ដឹកស្រូវចុះទៅប្រទេសវៀតណាម បានសំណូមពរសុំទៅ រាជរដ្ឋាភិបាល ជួយធ្វើផ្លូវអោយពួកគាត់ ដើម្បីដឹកកសិផល ដែលផលិតបាន ចុះទៅលក់នៅប្រទេសវៀតណាម ដោយមិនបាច់បង់ប្រាក់ ដើម្បីកាត់បន្ថយភាពក្រីក្រ។ ក្នុងនោះពួកគាត់ ក៍បានសំណូមពរដល់ លោកឧត្តមសេនីយទោ អ៊ុក សំណាង ស្នងការនគរបាលខេត្តតាកែវ មេត្តាចុះទៅពិនិត្យ ដោយដកបុគ្កលនោះ យកទៅធ្វើការណែនាំ នៅស្នងការដ្ឋាននគរបាលខេត្ត អោយគាត់បានក្លាយជាមន្ត្រីល្អ។
ទាក់ទិននឹងបញ្ហានេះ លោក ស៊ុត ខុន អភិបាលស្រុកគិរីវង់ មិនអាចទាក់ទងបានទេ ដោយទូរស័ព្ទលោក ពេលទូរស័ព្ទចូលទៅ ជាប់រវល់រហូត។
ប៉ុន្តែប្រជាពលរដ្ឋ នៅតំបន់នោះ បានអះអាងថា ផ្លូវដែលឆ្លង់កាត់ព្រំដែនតាមនោះ មិនមែនជាផ្លូវឯកជន ឬមានអ្នកដេញថ្លៃឡើយ គឺជាផ្លូវសាធារណៈ។
ចំណែកលោក ទាន សារេត មេឃុំភ្នំដិន បានប្រាប់តាមទូរស័ព្ទថា លោកអត់ដឹងទេ បើចង់ដឹងសួរគេ អ្នកយកលុយទៅ៕
CEN
ដោយ: តាកែវ
No comments:
Post a Comment