កំពង់ឆ្នាំង: កសិដ្ឋានចិញ្ចឹមជ្រូក របស់លោកឧកញ៉ាជួន ភាព នៅក្នុងភូមិខ្វិត ឃុំពង្រ ស្រុករលាប្អៀរ ត្រូវបានប្រជាពលរដ្ឋនៅក្នុងភូមិខ្វិតជាង១០០គ្រួសារ បានប្តិតមេដៃដាក់ពាក្យ បណ្តឹងឲ្យអាជ្ញាធរ ឃុំពង្រ សុំអោយបិតកសិដ្ឋានចិញ្ចឹមជ្រូកនេះ ព្រោះតែការចិញ្ចឹមជ្រូកជាង២០០ក្បាលគ្មានអនាម័យ ដោយបានស្តុបអាចម៌ជ្រូក ស្អុយជះក្លិនមកក្រៅ ពេលមានភ្លៀងអាចម៌ជ្រូកបានហូរ ចូលមកក្នុង ស្រែបង្កផលប៉ះ ពាល់ដំណាំប្រជាពលរដ្ឋដែលរស់នៅជុំវិញ និងធ្វើអោយប្រជាពលរដ្ឋមួយចំនួនមានជម្ងឺដោយសារតែក្លិនស្អុយនេះ។
នៅព្រឹកថ្ងៃទី៩ ខែមករា ឆ្នាំ២០១៧ លោក ខែក សុផល មេឃុំពង្រ ស្រុករលាប្អៀរ បានបញ្ជាក់អោយដឹងថា៖ មានប្រជាពលរដ្ឋក្នុងភូមិជាង១០០នាក់ហើយដែលបានប្តិតមេដៃប្តឹងសុំអោយបិតកសិដ្ឋានចិញ្ចឹមជ្រូកមួយនេះរបស់លោកឧកញ៉ា ជួន ភាព ព្រោះតែមានផលប៉ះពាល់ ដល់សុខភាពមកលើជីវភាពរស់នៅរបស់ពួកគាត់។ លោកបន្ដថា៖ រឿងនេះលោកបានរាយការណ៍ជូនប្រធានការិយាល័យពេទ្យសត្វខេត្តរួចហើយ ដើម្បីជួយដោះស្រាយបណ្តឹងរបស់ប្រជាពលរដ្ឋនៅក្នុងភូមិនេះ ។
ស្ត្រីឈ្មោះ សូ យន អាយុ៦០ឆ្នាំ មានផ្ទះជាប់និងការដ្ឋានចិញ្ចឹមជ្រូកនេះ បាននិយាយអោយដឹងថា៖ ជាង៣ខែមកនេះគាត់ស្អុយអាចម៌ជ្រូកពិបាករស់នៅខ្លាំងណាស់ ហើយអ្នកភូមិចំនួន៣ទៅ៤ ភូមិក៏បានឈឺដោយតែការស្អុយអាចម៌ជ្រូកនេះ ពិសេសនៅពេលយប់គឺជះក្លិនស្អុយខ្លាំងមែនទែនដេកក៏មិនលក់។
បុរសឈ្មោះ កែ សម្បត្តិ អាយុ៤៨ឆ្នាំ និយាយថា៖ ខ្ញុំមានផ្ទះក្បែរការដ្ឋានចិញ្ចឹមជ្រូកនេះ កាលពីមានភ្លៀងធ្លាក់អាចម៌ជ្រូកបានហូរចេញពីអាងធ្លាក់ចូលក្នុងស្រែខ្ញុំ ដំណាំខ្ញុំ អាចម៌ជ្រូកបានជះក្លិនស្អុយ៥០០ម៉ែត្រជុំវិញការដ្ឋាន ធ្វើអោយប្រជាពលរដ្ឋប្រមាណជាង៤០ខ្នងផ្ទះរងផលប៉ះពាល់យ៉ាងខ្លាំង ខ្ញុំសំណូមពរអោយបិតការដ្ឋានចិញ្ចឹមជ្រូកមួយនេះទៅ។
ទាក់ទងនិងបញ្ហានេះ លោក ក្រឹង សំអាត ប្រធានការិយាល័យផលិតកម្ម និងបសុព្យាបាលខេត្ត បានឱ្យដឹងថា៖ ព័ត៌មានខាងលើនេះ លោកបានដឹងហើយ តាមវិទ្យុមួយចំនួន ដែលប្រជាពលរដ្ឋបានរាយការណ៍ ហើយក្នុងករណីនេះកាលពីអាទិត្យមុន លោកបាន់ចាត់មន្ត្រីពេទ្យសត្វខេត្តចុះទៅត្រួតពិនិត្យ ឃើញថាកសិដ្ឋានចិញ្ចឹមជ្រូកមួយនេះ ខ្វះអនាម័យពិតមែន។ ផែនការរបស់ជំនាញគឺ ១.បានអប់រំអោយម្ចាស់កសិដ្ឋានកាត់បន្ថយការចិញ្ចឹមជ្រូក គឺត្រូវចិញ្ចឹមជ្រូកតែត្រឹម១០០ក្បាលបានហើយ ២.ត្រូវធ្វើជីវសុវត្តិភាព បាញ់ថ្នាំសម្លាប់មេរោគនៅក្នុងការដ្ឋាន៣. ត្រូវធ្វើអាងស្តុបអាចម៌ជ្រូកតាមបច្ចេកទេសអោយមានអនាម័យ ៤.តម្រូវអោយធ្វើឡជីវឧស្ម័ន ដើម្បីយកអាចម៌ជ្រូកមកដុតក្នុងឡ កាត់បន្ថយអាចម៌ជ្រូកដែលជះក្លិនទៅលើប្រជាពលរដ្ឋ។ នៅក្នុងអាទិត្យខាងមុខនេះជំនាញនិងចុះចាប់បង្ខំអោយម្ចាស់ការដ្ឋានអនុវត្តន៍ផែនការដែលបានដាក់អោយអនុវត្តន៍ខាលើនេះ បើគេធ្វើមិនបានទេនោះគឺអាចប្រឈមនិងការបិតអាជីកម្មមួយនេះតែម្តង។
ដោយឡែក លោក ឧកញ៉ា ជួន ភាព ម្ចាស់កសិដ្ឋានចិញ្ចឹមជ្រូកនេះមិនអាចសុំការបំភ្លឺបានទេ ព្រោះអ្នកចាំកសិដ្ឋានចិញ្ចឹមជ្រូក អោយលេខទូរសព្ទ័មក ពេលតេសួរបែរជាឆ្លើយថា លោកតេមកច្រឡាំលេខហើយ៕
CEN
ដោយ: ដាវុធ
នៅព្រឹកថ្ងៃទី៩ ខែមករា ឆ្នាំ២០១៧ លោក ខែក សុផល មេឃុំពង្រ ស្រុករលាប្អៀរ បានបញ្ជាក់អោយដឹងថា៖ មានប្រជាពលរដ្ឋក្នុងភូមិជាង១០០នាក់ហើយដែលបានប្តិតមេដៃប្តឹងសុំអោយបិតកសិដ្ឋានចិញ្ចឹមជ្រូកមួយនេះរបស់លោកឧកញ៉ា ជួន ភាព ព្រោះតែមានផលប៉ះពាល់ ដល់សុខភាពមកលើជីវភាពរស់នៅរបស់ពួកគាត់។ លោកបន្ដថា៖ រឿងនេះលោកបានរាយការណ៍ជូនប្រធានការិយាល័យពេទ្យសត្វខេត្តរួចហើយ ដើម្បីជួយដោះស្រាយបណ្តឹងរបស់ប្រជាពលរដ្ឋនៅក្នុងភូមិនេះ ។
ស្ត្រីឈ្មោះ សូ យន អាយុ៦០ឆ្នាំ មានផ្ទះជាប់និងការដ្ឋានចិញ្ចឹមជ្រូកនេះ បាននិយាយអោយដឹងថា៖ ជាង៣ខែមកនេះគាត់ស្អុយអាចម៌ជ្រូកពិបាករស់នៅខ្លាំងណាស់ ហើយអ្នកភូមិចំនួន៣ទៅ៤ ភូមិក៏បានឈឺដោយតែការស្អុយអាចម៌ជ្រូកនេះ ពិសេសនៅពេលយប់គឺជះក្លិនស្អុយខ្លាំងមែនទែនដេកក៏មិនលក់។
បុរសឈ្មោះ កែ សម្បត្តិ អាយុ៤៨ឆ្នាំ និយាយថា៖ ខ្ញុំមានផ្ទះក្បែរការដ្ឋានចិញ្ចឹមជ្រូកនេះ កាលពីមានភ្លៀងធ្លាក់អាចម៌ជ្រូកបានហូរចេញពីអាងធ្លាក់ចូលក្នុងស្រែខ្ញុំ ដំណាំខ្ញុំ អាចម៌ជ្រូកបានជះក្លិនស្អុយ៥០០ម៉ែត្រជុំវិញការដ្ឋាន ធ្វើអោយប្រជាពលរដ្ឋប្រមាណជាង៤០ខ្នងផ្ទះរងផលប៉ះពាល់យ៉ាងខ្លាំង ខ្ញុំសំណូមពរអោយបិតការដ្ឋានចិញ្ចឹមជ្រូកមួយនេះទៅ។
ទាក់ទងនិងបញ្ហានេះ លោក ក្រឹង សំអាត ប្រធានការិយាល័យផលិតកម្ម និងបសុព្យាបាលខេត្ត បានឱ្យដឹងថា៖ ព័ត៌មានខាងលើនេះ លោកបានដឹងហើយ តាមវិទ្យុមួយចំនួន ដែលប្រជាពលរដ្ឋបានរាយការណ៍ ហើយក្នុងករណីនេះកាលពីអាទិត្យមុន លោកបាន់ចាត់មន្ត្រីពេទ្យសត្វខេត្តចុះទៅត្រួតពិនិត្យ ឃើញថាកសិដ្ឋានចិញ្ចឹមជ្រូកមួយនេះ ខ្វះអនាម័យពិតមែន។ ផែនការរបស់ជំនាញគឺ ១.បានអប់រំអោយម្ចាស់កសិដ្ឋានកាត់បន្ថយការចិញ្ចឹមជ្រូក គឺត្រូវចិញ្ចឹមជ្រូកតែត្រឹម១០០ក្បាលបានហើយ ២.ត្រូវធ្វើជីវសុវត្តិភាព បាញ់ថ្នាំសម្លាប់មេរោគនៅក្នុងការដ្ឋាន៣. ត្រូវធ្វើអាងស្តុបអាចម៌ជ្រូកតាមបច្ចេកទេសអោយមានអនាម័យ ៤.តម្រូវអោយធ្វើឡជីវឧស្ម័ន ដើម្បីយកអាចម៌ជ្រូកមកដុតក្នុងឡ កាត់បន្ថយអាចម៌ជ្រូកដែលជះក្លិនទៅលើប្រជាពលរដ្ឋ។ នៅក្នុងអាទិត្យខាងមុខនេះជំនាញនិងចុះចាប់បង្ខំអោយម្ចាស់ការដ្ឋានអនុវត្តន៍ផែនការដែលបានដាក់អោយអនុវត្តន៍ខាលើនេះ បើគេធ្វើមិនបានទេនោះគឺអាចប្រឈមនិងការបិតអាជីកម្មមួយនេះតែម្តង។
ដោយឡែក លោក ឧកញ៉ា ជួន ភាព ម្ចាស់កសិដ្ឋានចិញ្ចឹមជ្រូកនេះមិនអាចសុំការបំភ្លឺបានទេ ព្រោះអ្នកចាំកសិដ្ឋានចិញ្ចឹមជ្រូក អោយលេខទូរសព្ទ័មក ពេលតេសួរបែរជាឆ្លើយថា លោកតេមកច្រឡាំលេខហើយ៕
CEN
ដោយ: ដាវុធ
No comments:
Post a Comment