 |
| ប្រធានវេទិកាអនាគត លោក អ៊ូ វីរៈ ផ្ដល់បទសម្ភាសន៍ឲ្យអាស៊ីសេរី នៅថ្ងៃទី៦ ខែធ្នូ ឆ្នាំ២០១៦។ RFA/Brach Chev |
អ្នកវិភាគស្ថានការណ៍នៅកម្ពុជា ឲ្យតម្លៃជំនួបរវាងលោកនាយករដ្ឋមន្ត្រីកម្ពុជា និងអ្នកសារព័ត៌មានក្នុងស្រុកប្រមាណ ១ពាន់នាក់នោះថា គឺរឿងល្អ តែថារដ្ឋាភិបាលគួរបើកចិត្តឲ្យទូលាយសម្រាប់សេរីភាពសារព័ត៌មាន។
កាលពីថ្ងៃទី១៤ ខែមករា ចំខួបទី៣២ឆ្នាំនៃការឡើងកាន់អំណាចរបស់លោកនាយករដ្ឋមន្ត្រី ហ៊ុន សែន ដើរតួជាគ្រូបង្រៀនអ្នកសារព័ត៌មាន ដោយលើកទឹកចិត្តពួកគេឲ្យសរសេរការពិត និងកុំឲ្យដើរតួកាច់រាងហួសពីតួនាទីរបស់ខ្លួនជាអ្នកនាំសារ។
ប្រធានអង្គការវេទិកាអនាគត លោក អ៊ូ វីរៈ យល់ថា ការផ្ដួចផ្ដើមឲ្យមានការជួបជុំគ្នារវាងនាយករដ្ឋមន្ត្រីជាមួយអ្នកសារព័ត៌មាន គឺជាចំណុចវិជ្ជមាន ហើយដើម្បីឲ្យកាន់តែប្រសើរនោះ កុំឲ្យមានការរើសអើងអ្នកសារព័ត៌មាន៖ «»។
លោក ហ៊ុន សែន ដែលជានាយករដ្ឋមន្ត្រីស្ថិតក្នុងតំណែងយូរជាងគេនៅលើពិភពលោក បានឆក់ឱកាសថ្ងៃទី១៤ ខែមករា ឆ្នាំ២០១៧ ជាថ្ងៃដែលលោកទទួលបានតំណែងនេះកាលពី ៣២ឆ្នាំមុន ជួបអ្នកសារព័ត៌មាននៅសណ្ឋាគារផ្កាយ៥ រ៉េស៊ីដង់ សុខាភ្នំពេញ។
ទោះជាយ៉ាងណា ការជួបគ្នានោះមិនមែនជាវេទិកាសំណួរចម្លើយទេ តែជាឱកាសសម្រាប់លោកនាយករដ្ឋមន្ត្រី ថ្លែងប្រាប់អ្នកសារព័ត៌មានអំពីអារម្មណ៍ និងទស្សនៈរបស់លោកចំពោះអ្នកសារព័ត៌មានបច្ចុប្បន្ន។
លោកនាយករដ្ឋមន្ត្រី ហ៊ុន សែន ដែលហាក់ដូចជាធុញថប់នឹងអង្គភាពសារព័ត៌មានខ្លះយូរមកហើយនោះថ្លែងថា លោកមានអារម្មណ៍ជូរជ្រេញជាមួយអ្នកធ្វើអត្ថាធិប្បាយវិទ្យុ-ទូរទស្សន៍មួយចំនួន ដែលលោកហៅថាធ្វើខ្លួនហួសពីតួនាទី៖ «»។
លោកនាយករដ្ឋមន្ត្រី ដែលមិនបញ្ចេញឈ្មោះស្ថានីយវិទ្យុ ឬទូរទស្សន៍ដែលលោកជ្រេញនោះ បានហាមអ្នករាយការណ៍ព័ត៌មាន កុំឲ្យដើរតួជាអ្នកធ្វើអត្ថាធិប្បាយផង ជាចៅក្រមផង និងជាអ្នកការពារក្តីផង៖ «»។
បើទោះជាមានអារម្មណ៍ជ្រេញដូចលោកនាយករដ្ឋមន្ត្រី ហ៊ុន សែន ដែរ អ្នកវិភាគនយោបាយ លោក អ៊ូ វីរៈ និយាយថា គេគួរទុកឲ្យទស្សនិកជន អ្នកស្តាប់ ឬអ្នកមើល ជាអ្នកវិនិច្ឆ័យវិញ។ នៅពេលណាសារព័ត៌មាន វិទ្យុ ឬទូរទស្សន៍ណាមិនផ្សាយព័ត៌មានដែលជាទីចាប់អារម្មណ៍របស់មហាជន ឬខ្វះការពិត អង្គភាពសារព័ត៌មានទាំងនោះអាចនឹងបាត់បង់ប្រិយមិត្តរបស់ខ្លួនដោយស្វ័យប្រវត្តិ៖ «»។
ទាក់ទងនឹងរឿងពុករលួយវិញ លោកនាយករដ្ឋមន្ត្រី ហ៊ុន សែន បានស្នើឲ្យអ្នកសារព័ត៌មានកុំទទួលសំណូកសូកប៉ាន់ដើម្បីផ្សាយ ឬមិនផ្សាយព័ត៌មាន៖ «»។
ក្នុងជំនួបជាមួយអ្នកសារព័ត៌មាននោះដែរ ប្រធានគណបក្សប្រជាជនកម្ពុជា លោក ហ៊ុន សែន ក៏បានទទូចអ្នកសារព័ត៌ សរសេរ និងផ្សាយព័ត៌មានឲ្យលឿន និងទាន់ហេតុការណ៍ ជាពិសេសលោកនាយករដ្ឋមន្ត្រី ហ៊ុន សែន ជំរុញឲ្យអ្នកសារព័ត៌មាន កុំខ្លាចក្នុងការសរសេរការពិតនៅពេលមានមូលដ្ឋាន និងព័ត៌មានច្បាស់ការណ៍៖ «»។
ត្រង់ចំណុចនេះ គេពិបាកនឹងវាយតម្លៃថា តើលោកនាយករដ្ឋមន្ត្រី ហ៊ុន សែន ពិតជាថ្លែងដោយស្មោះចេញពីដូងចិត្តរបស់លោក ឬយ៉ាងណានោះទេ ពីព្រោះកន្លងទៅ គេសង្កេតឃើញវិទ្យុ-ទូរទស្សន៍ ឬសារព័ត៌មានរបស់រដ្ឋាភិបាល ឬមាននិន្នាការគាំទ្ររដ្ឋាភិបាលភាគច្រើន តែងបិទផ្អាប់មិនផ្សាយព័ត៌មានសំខាន់ៗដែលសាធារណជនគប្បីបានដឹង។ ឧទាហរណ៍ ព័ត៌មានស្ដីពីឃាតកម្មលោកបណ្ឌិត កែម ឡី ដែលផ្អើលពិភពលោកជាដើម។
ប្រធានអង្គការវេទិកាអនាគត លោក អ៊ូ វីរៈ យល់ថា លោកនាយករដ្ឋមន្ត្រី ហ៊ុន សែន ពិតជាចង់ឲ្យអ្នកសារព័ត៌មាន សរសេរ និងផ្សាយរឿងពិតៗ ប៉ុន្តែមិនមែនរឿងធំៗទេ៖ «»។
នៅក្នុងឱកាសជួបជុំអ្នកសារព័ត៌មាននោះដែរ លោកនាយករដ្ឋមន្ត្រី ហ៊ុន សែន ប្រកាសថា ការជួបជុំគ្នានេះនៅឆ្នាំក្រោយ នឹងធ្វើឲ្យបានធំជាងនេះ។
ទោះជាយ៉ាងណាក៏ដោយចុះ បើតាមរដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បច្ចុប្បន្ន កម្ពុជា មានសារព័ត៌មាន ព្រឹត្តិបត្រ និងទស្សនាវដី្តចំនួន៨១២ មានព្រឹត្តិបត្រព័ត៌មានអនឡាញចំនួន៧២ មានទូរទស្សន៍ផ្សាយតាមរលកធាតុអាកាសចំនួន២២ មានទូរទស្សន៍ផ្សាយតាមផ្កាយរណបចំនួន១ មានវិទ្យុចំនួន៣៣៤ និងសមាគមអ្នកកាសែតចំនួន៣៦៕
RFA
ដោយ ជី វិតា
No comments:
Post a Comment