រដ្ឋាភិបាល តាមរយៈអគ្គនាយកដ្ឋានគយ និងរដ្ឋាករកម្ពុជា បានសម្រេចបញ្ចប់ការអនុញ្ញាតឲ្យនាំចូលផលិតផលតេលសិលា(ប្រេងឥន្ទនៈ) តាមមាត់ច្រកផ្លូវគោកជាស្ថាពរ ចាប់ពីថ្ងៃទី១ ខែមករា ឆ្នាំ២០១៧ តទៅ។
បើតាមសេចក្តីជូនដំណឹងរបស់អគ្គនាយកដ្ឋានគយ និងរដ្ឋាករកម្ពុជា ចុះថ្ងៃទី២០ ខែធ្នូ មូលហេតុនៃការបញ្ឈប់ឲ្យនាំចូលនេះ គឹដោយសារតែហេដ្ឋារចនាសម្ព័ន្ធដឹកជញ្ជូននៅទូទាំងប្រទេសមានភាពប្រសើរ លទ្ធភាពផ្គត់ផ្គង់ឥន្ទនៈនៅគ្រប់រាជធានី-ខេត្ត ដោយក្រុមហ៊ុនធំៗ នាំចូលតាមផ្លូវទឹក និងដើម្បីរក្សាបានចីរភាពចំណូលពន្ធអាករ ក៏ដូចជាការចាំបាច់ចំពោះមុខក្នុងការពង្រឹងប្រសិទ្ធភាពគ្រប់គ្រង និងលើកកម្ពស់អនុលោមភាព នៃការអនុវត្តច្បាប់ និងបទប្បញ្ញត្តិជាធរមាន។
បើតាមអគ្គនាយកដ្ឋានគយ ក្នុងករណីនៅបន្តនាំចូលផលិតផលប្រេងឥន្ទនៈតាមមាត់ច្រកផ្លូវគោក អគ្គនាយកដ្ឋានគយ និងរដ្ឋាករកម្ពុជា នឹងចាត់វិធានការតាមនីតិវិធីច្បាប់៕
ថ្មីៗ
អត្ថបទ : ថ្មីៗ
No comments:
Post a Comment