 |
| នាយករដ្ឋមន្ត្រីអ៊ីស្រាអែល |
នាយករដ្ឋមន្ត្រីអ៊ីស្រាអែល លោកបេនចាមីន ណេតាននីយាហូ (Benjamin Netanyahu) បានកោះហៅឯកអគ្គរដ្ឋទូតអាមេរិចប្រចាំប្រទេសអ៊ីស្រាអែលមកសាកសួរជុំវិញការបោះឆ្នោតនៅក្រុមប្រឹក្សាសន្តិសុខអង្គការសហប្រជាជាតិ។
កាលពីថ្ងៃសុក្រសប្តាហ៍មុន អាមេរិចបានបោះឆ្នោតអនុប្បវាទ (មិនគាំទ្រ ហើយក៍មិនគាំទ្រ) ដើម្បីបើកផ្លូវអោយក្រុមប្រឹក្សាសន្តិសុខអង្គការសហប្រជាជាតិអនុម័តលើសេចក្តីសម្រេច ដែលជម្រុញអោយមានការបញ្ឈប់ការសាងសង់ទីលំនៅខុសច្បាប់របស់អ៊ីស្រាអ៊ែល នៅលើទឹកដី ដែលជនជាតិប៉ាឡេស្ទីន ចង់បង្កើតរដ្ឋឯករាជ្យនៅថ្ងៃអនាគត។ សមាជិក១៤នាក់ផ្សេងទៀតរបស់ក្រុមប្រឹក្សានេះបានបោះឆ្នោតគាំទ្រសេចក្តីសម្រេចនេះ។
ការកោះហៅឯកអគ្គរដ្ឋទូតអាមេរិចមកសាកសួរនេះ ធ្វើឡើងបន្ទាប់ពីនាយករដ្ឋមន្ត្រីអ៊ីស្រាអែល បានកោះហៅឯកអគ្គរដ្ឋទូតពីប្រទេសផ្សេងៗ ដែលបានបោះឆ្នោតគាំទ្រសេចក្តីសម្រេចរបស់ក្រុមប្រឹក្សាអង្គការសហប្រជាជាតិ។
ប្រទេសអ៊ីស្រាអែលបានចោទអាមេរិចដែលជាសម្ព័ន្ធមិត្តជិតស្និទ្ឋរបស់ខ្លួនថា ជាអ្នកបង្កើតអោយមានការបោះឆ្នោតនេះ ប៉ុន្តែទីក្រុងវ៉ាស់ហ្សីងតោន បានច្រានចោលការចោទប្រកាន់នេះ។
នាយករដ្ឋមន្ត្រីអ៊ីស្រាអែល និងលោកបារ៉ាក់ អូបាមា មានទំនាក់ទំនងមិនសូវល្អនឹងគ្នាទេ ក្នុងអំឡុងការកាន់តំណែងជាប្រធានាធិបតីរបស់លោកអូបាមា ២អាណិត្តនេះ ហើយអ៊ីស្រាអែលមានការព្រួយបារម្មណ៍ថា ទីក្រុងវ៉ាស់ហ្សីងតោន នឹងធ្វើបែបនេះមុនពេលដែលលោកអូបាមាចប់អាណត្តិ។
ប្រធានាធិបតីជាប់ឆ្នោតថ្មីអាមេរិច លោកដូណាល់ ត្រាំ បានបង្ហោះនៅក្នុងបណ្តាញសង្គម Twitter របស់លោកថា ការបោះឆ្នោតសម្រេចបែបនេះរបស់ក្រុមប្រឹក្សាសន្តិសុខអង្គការសហប្រជាជាតិ គឺជាការបាត់បង់ដ៍ធំធេងរបស់អ៊ីស្រាអែល ដែលវារឹតតែលំបាក់សម្រាប់អ៊ីស្រាអែលក្នុងការផ្សះផ្សាសន្តិភាព។
លោកត្រាំ ក៍បានថ្លែងទៀតដែរថា អ្វីៗនឹងមានការផ្លាស់ប្តូរនៅនៅក្រោយពេលគាត់ចូលកាន់តំណែងនៅថ្ងៃទី ២០ខែមករាខាងមុខ។
ការតាំងទីលំនៅរបស់ជនជាតិជីវីសដែលមានដើមកំណើតមកពីប្រទេសអ៊ីស្រាអែលគឺជាជម្លោះមួយក្នុងចំណោទបញ្ហាជាច្រើនទៀត រវាងប្រទេសអ៊ីស្រាអែល និងប្រជាជនប៉ាឡេស្ទីន ដែលជាឧបសគ្គក្នុងការឈានទៅរកសន្តិភាព។
មានជនជាតិជីវិសប្រមាណ ៥សែននាក់បានមករស់នៅតំបន់អភិវឌ្ឍន៍ចំនួន ១៤០ចាប់តាំងពីការឈ្លានពានរបស់អ៊ីស្រាអែលក្នុងឆ្នាំ ១៩៦៧ ចូលទៅកាន់តំបន់ West Bank និង Jerusalem. បើយោងទៅតាមច្បាប់អន្តរជាតិ ការតាំងទីលំនៅបែបនេះរបស់ជនជាតិទាំងនេះគឺខុសច្បាប់ តែប្រទេសអ៊ីស្រាអែលជំទាល់។
CEN
No comments:
Post a Comment