ភ្នំពេញ៖ ប្រធានរដ្ឋសភាសម្ដេច ហេង សំរិន ប្រកាសឲ្យរដ្ឋមន្ត្រីក្រសួងសុខាភិបាល លោក ម៉ម ប៊ុនហេង ចូលខ្លួនបំភ្លឺជុំវិញបញ្ហាសុខាភិបាលផ្ទាល់តាមនៅរដ្ឋសភា នាថ្ងៃទី២៩ ខែធ្នូ ។
លោក ម៉ម ប៊ុនហេង ត្រូវចូលបំភ្លឺផ្ទាល់មាត់ តាមការកោះអញ្ជើញរបស់តំណាងរាស្ត្រគណ៥បក្សសង្គ្រោះជាតិ (CNRP)។
សំណួរទាំង១០ ដែលលោក ម៉ម ប៊ុនហេង ត្រូវចូលខ្លួនបំភ្លឺនោះ រួមមាន ១, ភាពមិនប្រក្រតីក្រោមការទទួលខុសត្រូវរបស់ក្រសួងមានដូចជា ការបាត់ប្រាក់ជំនួយរបស់ Global Fund ទិញមុងការពារជំងឺគ្រុនចាញ់ ការលក់មន្ទីរពេទ្យ និងមន្ទីរពេទ្យបង្អែកមួយចំនួននៅក្នុងរាជធានីភ្នំពេញ និងក្នុងខេត្តមួយចំនួន និងការទិញគ្រឿងបរិក្ខា និងថ្នាំពេទ្យ-ល- ។ ២, ការផ្តល់សេវាមិនត្រឹមត្រូវនៅតាមមន្ទីរពេទ្យរដ្ឋ និងឯកជន។ ៣, វិធានការក្រសួង ក្នុងការពង្រឹងគុណភាពជំនាញពេទ្យ និងការអនុវត្តក្របសីលធម៌។ ៤, ការចែកចាយ និងគ្រប់គ្រងសម្ភារពេទ្យ និងថ្នាំពេទ្យ។ ៥, ការគ្រប់គ្រងមន្ទីរពេទ្យឯកជន និងរថយន្តសង្គ្រោះបន្ទាន់។ ៦, ផែនការធានាបន្តនិរន្តរភាពមន្ទីរពេទ្យគន្ធបុប្ផា។ ៧, កិច្ចគាំពារជនរងគ្រោះពីកំហុសគ្រូពេទ្យ និងការកេងប្រវ័ញ្ច។ ៨, វិធានការរបស់ក្រសួង ក្នុងការផ្តល់សេវាសុខភាពដល់ពលរដ្ឋក្រីក្រឲ្យមានប្រសិទ្ធភាព។ ៩, ការគ្រប់គ្រងការផលិត និងនាំចូលថ្នាំពេទ្យ និងចំណុចទី១០, ការគ្រប់គ្រងឱសថស្ថាន ថ្នាំពេទ្យក្លែងក្លាយ និងថ្នាំពេទ្យខូចគុណភាព៕
ថ្មីៗ
អត្ថបទ : រឿន ភារុន
No comments:
Post a Comment