ភ្នំពេញ៖ នៅរសៀលថ្ងៃទី២៦ ធ្នូនេះ អភិបាលរាជធានីភ្នំពេញ និងចុះជួបជាមួយសាសនិកខ្មែរឥស្លាម ដើម្បីពន្យល់អំពីផលប្រយោជន៍នៃការធ្វើផ្លូវកាត់ដីវិហារបឹងកក់ ដែលខាងសាលាក្រុងបានធ្វើរបងបាំង កាលពីថ្ងៃទី១៩ ខែធ្នូ មក។
បើតាមអ្នកសារព័ត៌មានថ្មីៗ នៅព្រឹកនេះ មានសាសនិកខ្មែរឥស្លាមជាច្រើននាក់ កំពុងជួបជុំគ្នា និងខ្លះទៀតកំពុងធ្វើដំណើរជាបន្តបន្ទាប់មកក្នុងវិហារបឹងកក់ ដើម្បីរង់ចាំស្ដាប់ដំណោះស្រាយលើបញ្ហាផ្លូវកាត់វិហារបឹងកក់នេះ។
គម្រោងផ្លូវកាត់ វិហារឥស្លាមបឹងកក់ នៅតែជាសំណុំរឿងដ៏ចម្រូងចម្រាស់។ អាជ្ញាធរ និងតំណាងសាសនិកខ្មែរឥស្លាមពុំឯកភាពគ្នាលើគម្រោងសង់ផ្លូវថ្មីឡើយ បើទោះបីជាពួកគេមានបំណងកាត់បន្ថយការកកស្ទះចរាចរណ៍តំបន់នេះដូចគ្នាក្តី។
លោក អ៉ះម៉ាត់ យ៉ះយ៉ា តំណាងខ្មែរឥស្លាមម្នាក់ដែលធ្លាប់ចាញ់ក្តីពីបទបរិហាកេរ្តិ៍លោក អូស្មាន ហាស្សាន់ ពាក់ព័ន្ធបញ្ហានេះកន្លងទៅ បានលើកហេតុផលដដែលថា វានឹងធ្វើឲ្យប៉ះពាល់ និងបង្កភាពអានាធិបតេយ្យដល់បរិវេណវិហារដែលជាទីសក្ការបូជារបស់ សាសនាឥស្លាម។
រដ្ឋលេខាធិការក្រសួងសង្គមកិច្ច និងយុវនីតិសម្បទារូបនេះ ចាត់ទុករឿងធ្វើផ្លូវកាត់វិហារបឹងកក់ ខាងក្រោយសណ្ឋាគារភ្នំពេញ កំពុងក្លាយជារឿងចម្រូងចម្រាស ដោយសារថ្នាក់ដឹកនាំខ្មែរឥស្លាមម្ខាងគាំទ្រឲ្យធ្វើ និងម្ខាងទៀតជំទាស់ ៕
ថ្មីៗ
អត្ថបទ : ថ្មីៗ
No comments:
Post a Comment