ប្រទេសចិនមានមហិច្ឆិតាប្រកួតប្រជែងការស្រាវជ្រាវផ្នែកអាវកាសជាមួយនឹងប្រទេសផ្សេងៗ ដោយនៅថ្ងៃអង្គារម្សិលមិញនេះប្រទេសចិនបានដាក់ចេញគោលការណ៍របស់រដ្ឋាភិបាលក្នុងការស្រាវជ្រាវលំហអាកាស។
កម្មវិធីស្រាវជ្រាវអាវកាសរបស់ចិនមានការរីកចំរើនលឿនគួរអោយកត់សំគាល់ ហើយប្រទេសនេះក៏មានគោលដៅចុះចតនៅផ្នែកងងឹតលើពភព្រះច័ន្ទអោយបានមុនឆ្នាំ ២០១៨ និងឡើងអោយដល់ភពអង្គារ (Mars) មុនបំណាច់ឆ្នាំ ២០២០។
លោក Wu Yanhua អនុប្រធានរដ្ឋបាលស្រាវជ្រាវអាវកាសជាតិបាននិយាយថា ទីក្រុងប៉េកាំងនឹងចាបផ្តើមធ្វើការស្រាវជ្រាវពីភពព្រះអង្គារក្នុងឆ្នាំប្រហែល ២០២០ដើម្បីធ្វើការស្រាវជ្រាវអំពីភពនេះ ហើយក៏នឹងមានបេសកកម្មទី២ទៀត ដើម្បីប្រមូលសំណាកផ្សេងៗពីភពក្រហមនេះ។
គាត់និយាយបន្តទៀតថា គំរោងស្រាវជ្រាវផ្សេងៗទៀតមានដូចជាភពព្រហស្បតិ៍ (Jupiter) និងភពព្រះច័ន្ទ។
"គោលដៅចំបងរបស់យើងគឺថា នៅឆ្នាំ២០២០ ប្រទេសចិននឹងស្ថិតក្នុងចំណោមប្រទេសមហាអំណាចផ្នែកអាវកាសមួយក្នុងពិភពលោក"។
ការស្រាវជ្រាវផ្នែកអាវកាសរបស់ចិនមានការយឺតយ៉ាវបន្តិច ដោយប្រទេសនេះទើបតែបានបាញ់បង្ហោះផ្សាយរណបរបស់ខ្លួនជាលើកដំបូងក្នុងឆ្នាំ ១៩៧០ ចំនែកការស្រាវជ្រាវផ្នែកអាវកាសរបស់សហរដ្ឋអាមេរិចមានការដើរលឿនជាងចិន ដោយក្នុងឆ្នាំ ១៩៦៩ អាមេរិចបានបញ្ជូនមនុស្សជាលើកដំបូងទៅដល់ស្ថានព្រះច័ន្ទ។
ប៉ុន្តែមួយទសវត្សរ៍ក្រោយមក ចិនបានចំណាយលុយរាប់ពាន់លានដុល្លា និងធនធានផ្សេងៗទៀត ដល់វិស័យស្រាវជ្រាវលំហរអាកាសរបស់ខ្លួន។
ចាប់តាំងពីឆ្នាំ ២០០៣មក ចិនបានចាប់ការដើរលើស្ថានព្រះច័ន្ទ ដោយធ្វើការចុះចតយាន្តស្រាវជ្រាវរបស់ខ្លួនលើស្ថានព្រះច័ន្ទ និងចាប់ផ្តើមមន្ទីរស្រាវជ្រាវអាវកាស។
ចិនក៏បានបញ្ជូនយាន្តអាវកាសនិកចំនួន ៥នាក់ផងដែរទៅកាន់លំហរបានដោយជោគជ័យ ដែលធ្វើអោយចិនក្លាយជាប្រទេសទី ៣ បន្ទាប់ពីរុស្សី និងសហរដ្ឋអាមេរិច ដែលទទួលបានជោគជ័យ៕
CEN
No comments:
Post a Comment